மயிலாடுதுறை மாவட்டம் சீர்காழி உட்கோட்டத்தில் உள்ள பூம்புகார் காவல் நிலைய சரகத்திற்கு உள்பட்ட தருமகுளம் கிராமத்தில் 2017-ஆம் ஆண்டு 16 வயது சிறுமியிடம், நெய்தவாசல் வடபாதி தெருவைச் சேர்ந்த கலைவாணன் மகன் மதுபாலன் என்பவர் பாலியல் குற்றத்தில் ஈடுபட்டார். இதுகுறித்து நாகப்பட்டினம் முதன்மை சிறப்பு அமர்வு நீதிமன்றத்தில் விசாரணை நடைபெற்று வந்த நிலையில், இன்று மதுபாலனுக்கு பிரிவு 6 உடன் இணைந்த 5(1)-ன்படி 20 ஆண்டுகள் கடுங்காவல் தண்டனை மற்றும் ரூ.20,000 அபராதம் விதித்து, கட்டத் தவறினால் மேலும் ஒரு வருடம் சிறை தண்டனை வழங்கி தீர்ப்பளிக்கப்பட்டது. மேலும், பிரிவு 506(ii)-ன்படி 7 வருடம் கடுங்காவல் சிறை தண்டனை மற்றும் அபராத தொகை ரூ.5,000 விதித்தும், கட்டத்தவறினால் 6 மாதம் சிறை தண்டனையும் விதித்து நீதிபதி மணிவண்ணன் தீர்ப்பளித்தார்.
