பெண்களுக்கான கேலோ இந்தியா மாநில அளவிலான தடகள போட்டியில் வெற்றி பெற்ற மாணவிகளுக்கு பள்ளி நிர்வாகத்தினர் பாராட்டி பரிசுத்தொகை வழங்கி ஊக்குவித்தனர்

மத்திய அரசு சார்பில் பெண்களுக்கான கேலோ இந்தியா மாநில அளவிலான தடகளப்போட்டிகள் சென்னை நேரு விளையாட்டு அரங்கில் செப்டம்பர் 20ம் தேதி நடந்தது. இதில் மயிலாடுதுறை குட்சமாரிட்டன் மெட்ரிக் மேல்நிலைப்பள்ளியை சேர்ந்த மாணவிகள் தனுஷ்கா 1500மீ, 800மீ ஓட்டத்தில் வெள்ளிப்பதக்கமும், ஆபியா 1500மீ ஓட்டத்தில் வெண்கலப்பதக்கமும், அனுரெக்ஸி 200மீ ஓட்டத்தில் வெள்ளிப்பதக்கமும், 300மீ ஓட்டத்தில் வெண்கலப்பதக்கமும் வென்று பள்ளிக்கு பெருமை சேர்த்துள்ளனர். வெற்றி பெற்ற மாணவிகளை பள்ளி இயக்குனர் அலெக்சாண்டர்ஹெப்லின்ஐசாயா, முதல்வர் ஜான்சிராணி, உடற்கல்வி இயக்குனர் ராஜசேகர் உடற்கல்வி பயிற்சியாளர் வினோத்குமார் மற்றும் ஆசிரியர்கள், மாணவர்கள் மற்றும் பெற்றோர்கள் பாராட்டினர்.